ان كان ماحسيت فاوضاع دنياي
عز الله اني ماتكلمت عنها

وشلون ابشكي لك واباقول شكواي
لاصار ماشفت بعيوني حزنها

لاتلومني لا شفتني تقصر اخطاي
النفس عيا لا يجآوب رسنهآ

عزيز في بيتي على جال مركاي
ماحس بالدنيا وصافي لبنها

والوقت ما غير فعل مثل شرواي
يامدور الدنيا من اللي ضمنها

لا تعتذر مني ولا تدور رضـاي
خل اللحون مغرده في لحنها

خلك من الماضي ووجهك على الجاي
حنا ترى الخوة نقدر ثمنها

لو جيتني ماني مغير نواياي
دام الكرامه سلم الله بدنها

لو جيت ابردي ردني طيب مجناي
والمرجله دايم وطنا وطنها

اما كسبت فعول مجدي بيمنآي
ولا ترى اليمنى تبريت منها

وراع الردى لا ينتظر طيب ملقاي
دام المعادن سعرها فمعدنها

لا من قضى الواجب عطيته مقفاي
والساق تقطع لو لحقها عفنها

وجهي على الطيب ليا لويت ملفاي
اللي ليا قال السوالف وزنها

اللي ليا عرض مع الناس طرياي
يحيي علومي للعرب مادفنها

ويردع عدويني ويستر خطاياي
ويرجع على راعي الضغينه ضغنها

وينصح ليا شاف الخطا في سواياي
وليا بردت فينا العزيمه شحنها

ماهو يمدحني على شان مخباي
واليا قصر مالي فعولي لعنها

بالصبح نمامن وبالليل حكااي
واعراض خلق الله بظلمه طعنها

يالله طلبتك لا تفرح بي اعداي
وبعّد عن النفس الحزينه حزنها


عبداللكريم الجباري

تسلمين
وهذا من لطفك

اسعدني مرورك