منتديات رغد الشمال - عرض مشاركة واحدة

26-10-2016, 02:00 AM

القلب يحزن والمدامـع غزيـرة

في جوفي نار من لهبها تبكيـت

والدار ظلما كانـت أمـي تنيـره

يايمّه وينك من دونك خلا البيت

قلبي تفطّرعلـى الفرقا المريـره

آمنت بالله وباأقـداره ترضّيـت

الموت حقٍ وكلـن لـه مصيـره

وموت النبي قبلك يايمه تعزّيـت

هذا جلالك وريحك فـي عبيـره

كل يوم أشمّه وإذا شفتـه تهنّيـت

صوتك يايمـّه يامحـلا أثيـره

حنانـك يمّـه يخلينـي تدفيـت

يايمّـه منهو أجيلـه وأستشيـره

يعدلني لاشفت الصّواب وتنحّيـت

يوم كنتِ عندي وكنّي أميرِ ديره

وكلّن يناديني يقولي تغلّيت

يوم رحتي يمّه وكنّي في جزيرة

وحيد فيها عن النّاسِ تواريت

أجي دويّخ في وقت الظهيرة

محد سأل عنّي يقولي تغدّيت

وأبيت ليلي وعيوني سهيرة

كم من ليالي نيامٍ ما تعشّيت

ظروفٍ يمّه تواجهني عسيرة

الشكوى لله بظروفي تعنّيت

ياكم تعلّمت مـن معانـي غزيـره

يا منهل التعليم منّـك تربّيـت

كم قصةٍ قلتي وللماضـي نسيـره

ولاجيت عندك سواليفك تسلّيـت

اااه يايمّـه نظراتـي الأخيـرة

مليـت كفـي تـرابٍ ثـم حثّيـت

أبشـري يمـه بدعـواةٍ كثيـره

كل ماذكرتك وللرحمـن صلّيـت

للأستاذ سعد الطلحه