البقلاوة السريعة

المقادير ؛

عجينة جلاش السنبله
فستق
سكر
زبده

الطريقة:
ناخذ شريحه(وحده)من الجلاش وندهنها بزبده من الجهتين
والحشوه فستق مفروم خشن مع سكر
لكل كاس فستق حوالي ٣ ملاعق سكر

نضع الحشوه ونلف العجينه بشكل اسطواني ونقطعها ونغمرها بزبده مره ثانيه وندخلها الفرن ماتاخذ وقت
ونسقيها وهي حاره بشيره بارده
تبينها تصير هشه وتذوب بالفم غرقيها زبده قبل الفرن
وإذا تحبينها مقرمشه لاتكثرين الزبده .
لكن مهم جدا بعجينة الجلاش ان الزبده او السمنه تغطي كل زاويه فيها عشان ماتكون قاسيه او متفتته بعد الفرن جربوها سهله واحلى واخف من بقلاوة السوق.