:روحي بحايل ما تفارق جبلها ... وحبي لها عيّا على كل الاوصاف
أفرش حصاها واتوسد سهلها ... وأرقد بحضن جبال سلمى ولا اخاف
اسمح واراضيها واداري زعلها ... واشتاق له شوق الطنايا للاضياف
او شوق سمر جبال حايل لاهلها ... وجاوزت من حبي لها حد الاسراف
وعيني بأجا ما تسمع اللي عذلها ... وخشوم سلمى مثل شذرات الاسياف
قصة غرام تراب حايل نقلها ... تحكي على التالين من ما ضي الاسلاف
أجا تهضم عبرته واحتملها ... ولا هي بعادة عبرة الحر تنشاف
انشــــــــــــهد
السلام عليكم
مساكم الله بالخير والسعاده
وصبحكم الله بالعافيه والسلام
حائل يا حائل
ذبحت الجميع هنا وهناك 
واللى ماهو حاس فيها 
يتغرب عنها كم يوم
ويعرف ان الله حق
اخليكم مع البطاقه الجديده
ع الطاير
طبعن الصوره من عدستي 
الفلاش الصوتي بشيلة لـ حائل
وحوّل على سمر الجبال ونزلها ... عن دار ذل عقب ما شاف ما عاف
وسلمى تغني له قصايد غزلها ... على الوفا والود وسلوم الاشراف
وحاتم زرع عود الصخا في جبلها ... وأوقد بشامخ ضلعها نار الاضياف
وعنتر على عبلة ركابه عقلها ... وشحوا عليه عيال سلمى بالانكاف
دار بها الشلقان صاغوا مثلها ... خويّهم شالوه من فوق الأكتاف
وقصة معشي الذيب محدِ جهلها ... يا من يعد الذيب من عرض الاضياف
وراع اللبون اللي علينا نزلها ... ترعى لبونة بالقريّة والاكناف
مالوم من روحه لحايل بذلها ... وأرخص لها قلب من الود ينلاف