توزيع الكنب بالصالة فن و تصميم

الصاله هي من الغرف الأكثر أهميه في البيت لأنها تكون مكان لتجمع الأسره..ويختلف شكلها من حيث التصميم من بيت لثاني على حسب ذوق أهل المنزل ..

والأهم في الغرفة هو توزيع الاثاث فيها بطريقه تخليها مرتبه وملائمه لحجمها ومكانها سواء كانت مفتوحه على غرف أو ممرات أو مطبخ تحضيري أو مغلقه كغرفه سنتطرق إلى توزيع الكنب بالصاله وكيفية ترتيبها

وقبل لا تبدأين بوضع أثاث الصاله هاتي ورقه بيضاء وارسمي فيها كروكي بسيط للمكان من بيبان او نوافذ ووزعي الاثاث من كنب وطاوله ومكتبه وتلفزيون .وهذه الخطوه راح تعطيكم أفكار كثيره وراح تندهشون من التصاميم الكثيره الي راح تطلع معاكم في توزيع الاثاث.

ترتيب الغرفه بحسب حجمها :

الحجم الصغير..اذا كانت مغلقه راح يكون الكنب فيها بجانب الجدران وطبعا ما راح يزيد عددها عن الاربع كنبات من مفرد ومزدوج او ثلاثي ..
والتلفزيون راح ياخذ زاويه او مقابل للجلسه بس بمكتبه صغيره أو كنب مربع على شكل خداديات وهذه الاخيره مناسبه للصالات الصغيره لانها تعطي خدعه بصريه للناظر بان الغرفه كبيره نوعا ما ..
وطبعا الالوان الفاتحه والخداديات الملونه تساعد باعطاء حجم للصاله







وهذه الصاله ارتكب اصحابها غلطة في اختيار الكنب الكبير المزدوج لكل الجلسه فعطت الصاله مساحه اصغر من حجمها.

الصاله الصغيره بس المفتوحه :
الحلو في الصاله المفتوحه إنه من الممكن التحكم بشكل الكنب وعدم التقيد بحجمه لأن المكان مفتوح وما راح يأثر وايد في شكل المكان والاحلى لو كان موديل الكنب متصل ودائري ..واذا اتبعتوا نصيحتي في رسم كروكي بسيط للصاله مررو خطوط بالقلم الرصاص بين الاثاث والممرات المفتوحه بالصاله بحيث يقدر الشخص يمر بحريه بين الغرف والصاله




أساسيات لازم ننتبه لها أثناء التأثيث :

- الجلسه او الكنب لابد من وجود نقطه تمحور يعني هل سيكون هناك شيء معين راح تكون الجلسه باتجاهه كمدفأه او تلفزيون ؟

وهذه تسمى نقطة التمحور او نقطة التركيز لان كل الكنب راح يكون باتجاهها حتى يسمح للكل بالارتياح وقت الجلوس .

- عند وضع الاثاث ابدأوا بالاكبر حجما كالتلفزيون او الكنبه الكبيره ..والباقي راح يكون اسهل .

- لما تختاروا مكان للتلفزيون اختاروا مكان غير مواجه للنافذه ( الشباك ) لانه راح يعكس اشعة الشمس وبالتالي راح تكون في صعوبه برؤية التلفزيون خلال النهار .

- انتبهوا الى ان تكون الكنبات بعيده مسافه جيده عن التلفزيون .


- الجلسه لازم تكون مناسبه لاهل البيت وللزوار ..يعني الكنب

من الافضل انه يكون مقابل بعض حتى يمكن للجالسين التحاور


بطريقة سهله ومريحه مو كانهم بغرفة انتظار او بناصيه

شارع..يعني بين كل كرسي والثاني مو اكثر من 8 أقدام.



- في الصالات الكبيره لا تخلون الاثاث لاصق بالجدران لانه

بالطريقه هذه راح تتركون فراغ كبير بالوسط مو عارفين كيف تملونه...وشوفو ا بنفسكم ..الرسم الاول قريب من




الجدار ...والثاني تغير الوضع مع ابعادها عن الجدار .

- طاولة الشاي او الطاوله الوسطيه لازم تكون بعيده عن الكنب مسافه 18_14 انش.

- الطاولات الجانبيه الصغيره لازم تكون بنفس مستوى الكنب .

- لتحقيق التوازن بين الاثاث لازم يكون بجانب الكنب الكبير او مقبله كنب صغير او كراسي


في الصالات المفتوحه على غرف الطعام حاولوا تكون الغرفتين متوازنتين بالاثاث يعني مثل ما ركزنا في الجلسه على التلفزيون والي سميناه المحور راح نضع خزانه بجانب طاولة الطعام للصحون مثلا.
- افصلوا بين غرفة الطعام والصاله بجلسه مكونه من كرسين مثلا مواجه لغرفة الطعام او بحاجز زجاجي ..او اي حاجز انتوا تبونه بس ما يكون عالي.

- استخدموا سجاده لكل غرفه مختلفه عن الثانيه...للتفرقه بين الغرفتين.
- اخلوا المدخل من أي اثاث حتى يكون التركيزعلى الغرفتين ولعدم خلق
زحمه بالمكان.
الصاله المتوسطة والكبيره وبعكس الصغيره كل ما كان حجم الكنب كبير كل ما عطا منظر اجمل للمكان يعني كأن عندكم لوحه بيضاء كبيره ولازم ما تتركون فيها فراغ والحلو في الصالات الكبيره انكم ممكن تخلون فيها اكثر من جلسه والالوان تكون خياراتها متنوعه بين الفاتح والغامق ...وغالبا ما تكون هالنوع من الصالات مفتوحه على البيت كامل وتكون في الوسط

المصدر: منتديات رغد الشمال - من قسم: - آلديكور وتآثيث آلمنزلَ ‘

---

j,.du hg;kf fhgwhgm tk , jwldl fhgwhgm jwldl

نصايح مفيدة ما قصرتي ..


تسلمين على الإبداع ..


تمنياتي لك بحياة آمنة وسعيدة ..

كل الشكر لحضورك

دوما مواضيعك تروق لي ي غناتي
لاعدمناك والله وبنتظار جديدك ..

الجمان

مرورك وردك اسعدني
تعطرت صفحاتي بتواجدك
فكل الشكر لكِ

ام راشد
كل الشكر لحضورك

اهلابك /
انتقاء رائع
تسلم يدينك
ماننحرم من جديدك
ودمت بخير ❤ }.

هذا من ذوقك
كل الشكر لحضورك