قال: هل انت مثالي

قلت : مجتهد والله الوالي

قال: الصدر مني ضايق
والخفوق بنبضه هزة
اتعبني الجحود من بعض الخلايق
بالروح وبالجسد تمكن مغزة

قلت : لا باس عليك ولا تتضايق
اجلس على كرسي العز والمعزة
ولا تخلى الأرواح من تنوع الحدائق
جلهم بحدائق الوفاء تتنزه

قال: يامساء الخير يامساء النور
كيف الحال وكيف الاحوال
امد لك حبال وصل واشيّد جسور
دعاء في الادبار وابتسامة بالاستقبال

قلت : اهلا هلا ومساك مساء سرور
الحال تمام والاحوال عال العال
مرحبا بك و ننشر على طريقك النور
ونلتقي بوصلك على شمّخ الجبال

قالت: مداد

قلت : نعم

قالت: ماهو الذ زاد

قلت : التقوى الذ النعم

قال: مداد اليراع

قلت :مرحبا ميدانها لك باتساع

قال: عطني اجمل لحن

قلت : التغني بالوطن

قال: وش هو افضل محل
إذا نويت اسكن واستوطنت

قلت : اترك بالنظر نظرة نحل
تجد الصدور لك سكن لا هنت

قال: مداد في نظرك من يأخذ ومن يعطي

قلت : في الغالب اراه ديدن الحكيم منذ مبطي

قال: اه ياماضي السنين
ليتك علي ترجعين
فيك جمال ذكريات

قلت : يامنادي على وين
فايتٍ فات مع الأولين
تفاءل بالسنين المقبلات

قال: يبقى لي ماضي يتجدد
ويبقى لي مستقبل مجهول

قلت : لعل لك حاضر فيه مسدد
والقادم بيد من جعل بالروس العقول

قال: بدنياي وش اترك وش اشيل
كل ماسمعت يقولوا عنها دنيا حظوظ

قلت : دنياك حقيقتها مثل النايم وحلم بليل
لكن بعد ما صحى وش حصته من الحظوظ