. . تألقيَ وكونيَ آلآجمل ‘

لأن المظهر، يظل واحد من أكثر الطرق، اللي ممكن تعزز ثقه الشخص بنفسه ، قررت أطرح هآلموضوع . لايعني ابداً انو لايمكن أن تكوني مذهله.أنت عارفه انو اختيارك، الخاطئ للملابس، ممكن يزيدك على وزنك الزائد،، مالا يقل عن 5 كيلو؟؟؟؟ هنا و بكل صراحه ، حنتكلم، و حناقش، و حنتعرف على طرق جديده، من خلالها نقدر نحصل على أفضل اطلاله. حأعرضهم على شكل نقاط، عشان تكون أسهل في القراءه. 1- بصدق و بكل امانه، يفترض انك تكوني عارفه شكل جسمك [ لاتستغربوا ، في بنات ماتفقه عن نفسها، او جسمها شي ]. غالباً ذوات الوزن الزائد،، بيكونو واحد من هالنمطين: _ ياكمثرى: خصر صغير،، وحجم صدر معقول ،، في مقابل تركيز للوزن في الأرداف و السيقان. - أو تفاحه: الثقل يتركز في منطقه البطن ،و النصف الأعلى من الجسم، في حين تكون الأرداف و الأفخاذ نحيفه. اذا كان جسمك غير، مستطيل مثلاً ، ابحثي عن واحده من السيليبريتز جسمها مشابه لجسمك،،و راقبي خياراتها الصحيحه . حاكيها. مره على مره، حتعرفي ايش اللي بيناسبك. 2-من البدايه، و بأقولها بكل صوت عالي. لاترضي بملابس، ولا اكسسوارات ، ولا ميك أب ،ولا حاجه، قديمه و باهته. خليك ببساطه fashionable انت انسانه، وربي كرمك فليش تجحدين نفسك .أهتمي بعمرك ، لكن طبعاً في حدود المعقول.لاتنسي هالشي. 3- النقطه هاذي حرجه شوي،، وأعتذر عن الأساءه مسبقاً. البسي ملابس داخليه مضبوطه على مقاسك. مستحيل يابنات !!مستحيييييييل – مهما كان مقاسك – انو يبان شكلك حلو مع ملابس داخليه مقطعه او واسعه او مافيها دعم. كلو بيبان.انتبهوا!! مهم وضروري جداً تلبسي underwear يغطي منطقه البطن من أولها وينتهي عند بدايه الأفخاذ.حتحتاجي خامه قويه ومتماسكه وتتحمل، وأأكد على استخدام القطن الا طبعاً في الأوقات الخاصه.أي بانتي بهالمواصفات حيكون رائع. [ حدود البانتي،، مالازم تظهر من خلف الملابس .لازم اللبس يبان انسيابي عند الأرداف وماأسفل.] 4 - النقطه هاذي اسوأ من اللي قبلها. البسي سونتيان ترفع صدرك وترزه [ مشتقه من الترززز]في مكانه الصحيح. لاحظي انو انا هنا مابتكلم عن الـبوش أبز. انا بتكلم عن سنتيان مناسب ،يكون مقاسها مظبوط على صدرك. أسوأ شي في الحياه ، أنك تشوفي ست تمشي قدامك،، صدرها مترهل ،،يتحرك مع حركتها ويروح يمين و يسار. الكلام هذا شفته بعيوني ومتأكده انكم انتو كمان شفتوه، فلا تجي وحده وتقولي لا مو موجود. بصراحه عن جد مقزز ولا ينتمي للأنوثه بصله. رجاءً لاتحطو نفسكم في هالموقف.عموماً،خطوه اختيار السنتيان مهمه جداً،، لأننا محتاجين نخلي الصدر يكون في مكانه الصحيح،، و بالتالي نقدر نحدد الخصر أكثر، وبكذا نوزع الوزن في الجسم أفضل. 5- أشتريلك مجموعه من التايتس [ الشراريب الخفيفه الكامله ] بألوان غامقه ،باللي يناسبك.حلاوتها انها حتنعم الشكل الخارجي،و تديه مظهر حلو + انها راح تلم الجسم وأهم شي تحافظ على شكله،، وانت بتتحركي <<<قايلتلكم !!خطوات بسيطه، بس مؤثره. 6- فيما يخص النصف الأعلى من الجسم.. - الكمثرى حيلبسو بلايز طولها معقول،، وأكيد تداري العيوب،، بحيث لما ترفعي يدك او تحركيها،، ماترتفع من مكانها، هذا اولاً. ثانياً، لازم منطقه الوسط في البلوزه.. تكون محدد ه وواضحه. ممكن تلبسي cardigan له زرار واحد،،او زرارين،، على توب مناسب، و حتطلعي رائعه. التيشيرتات برضو حلوه بس اكيد بالمقاس المظبوط، تذكرو أننا ماناخذ الا مقاسنا، لا أكبر و لا أصغر. التوبات الجرسيه،، اللي فتحه الصدر فيها تكون على شكل حرف V،، حتكون خطيره عليكم، مع تنوره طويله على شكل حرف الــ A. - التفاحه،، حتناسبهم موضه الجلابيات القصيره اللي دارجه الأن او المتعارف عليها بالـــ tunics. العبي بالألوان و الرسمات ،،معاها حتباني WOW + انهاحتخبي كل العيوب الزائده حوالين البطن. فيما يخص السيقان ، البسي بنطلونات بالشروط السابقه،، مثل ماقلنا سابقاً او leggings، كله حينطق. 7- الأكسسوارات وماأدراك ما الأكسسوارات... مو عشان وزنك زايد، دولابك يفضى من الألوان و الديزانات الحلوه و الغريبه. معظم الأكسسوارات والمجوهرات الضخمه اللي بيلبسوها النحاف و بتشوه جمالهم ،، انتو على النقيض تماماً. حتكون رائعه عليكم. لكن ابعدي عن كل شي صغير و كيوت ، حيبان ضايع فيك.البسيلك أسوره ،، اسورتين،، او حتى 3 ضخام، و شوفي بس كيف يدك حتبان انحف. لمزيد من الفائده فيما يخص اختيار الحلق او الشوز 8 - اجلسي قدام المرايه. ايوا فعلاً قدام المرايه.ما أدري اذا انتبهتو لهالشي او لا، لكن الشي اللي وانت و اقفه طالع يجنن عليك، ممكن وانت جالسه، يكون فظيع ومزعج للنظر. تحركي قدام المرايه في كل الأوضاع .وانتبهي لا تكون التنوره ناطه و تبين الفخذ السمين، ولا انو الكم يكون ضيق ويادوبك تقدري ترفعي يدك وهكذا. قاعده عامه:متى ماحسيت انو القطعه ماهي مريحتك، على طووووول تخلي عنها. ماراح يكون شكلك حلو،، وملابسك مقطعه،، بسبب حركه بسيطه عملتيها. خلونا نفكر،، الله يرضى عليكم ،،بعقل شوي. لاواسع مرا ولا ضيق مرا. عالقد يعني عالقد. 9- تعلمي كيف توقفي صح و تجلسي صح. اشفطي بطنك و رزي صدرك و أكتافك خلي نظرك بمستوى اللي قدامك،، لا أعلى ولا أسفل.كل هذا لازم يبان، طبيعي ومو متكلف و يتم في نفس اللحظه. وأهم شي تمارسيه كنمط حياه. حتباني lady تخفق القلوب لمرأك. 10- شعرك. لا يكون شعرك أخر أهتماماتك. نعميه و غذيه و طوليه .القصه المناسبه للشعر حتعمل توازن في الشكل العام. لاتقصي شعرك أبداً قصير،، و زي الأولاد. حيطلع راسك قد الزبيبه مقارنه بحجم جسمك. أختاري قصات ، شعرك فيها يوصل للكتف و أكثر. الــ curly دارج كثير و حيعمل توازن في شكلك.. و حيدي لشعرك حجم 11- النظافه يابنات!! النظاااااافه. أعتذر عن وقاحتي!! لكن بحكم الوزن الزايد ، وكثرت الطيات و الثنيات في الجسم، ممكن تكون فيه روائح غير مستحبه. تخيلو معايا هالموقف : سيده سمينه ،،مرت من قدامنا،، ريحتها عطر فرنسي، جسمها خالي من الشعر، عامله بديكير، تجلس بشياكه، وبيدها الناعمه ، تلمس شعرها اللي كله حيويه و نعومه. بالله يابنات، ماراح تنسو موضوع وزنها، وتفضلوها على وحده ثانيه، جالسه معاها في نفس المكان، و تلبس مقاس 10 ،لكن يبغالها تستحمى. 12- لا يكون مضهرك الخارجي أثمن ماتملكين.الله كرمك و ميزك بالعقل،، وأعطاك منطق. فلا تكوني شكل جميل وبس.خلي تفكيرك الناضج و حضورك الدافئ، يبرزو وجودهم كمان. 13- خليك جاده شوي،، و سوي دايت. سمنتك هاذي لها مخاطر صحيه،، من سكر،، و ارتفاع في ظغط الدم و غيره.يوم القيامه ، ربي أول مايسألك،، حيسألك عن نفسك. و ماسبق كان مجرد حلول مؤقته،، تساعدك للوصول للشكل اللي تحبيه،، وتدعمك في رحلتك لخساره الوزن الزايد. كفايه تسويف. أبدأي دايت مدروس الأن. في الختام، أحب أذكر بصوره سريعه بأهم الشغلات،، اللي لازم تتوفر فيك و عندك عشان تبهري اللي حواليك. 1- ضحكه حلوه وطالعه من قلب [ ابتسموا لو سمحتو ]. 2- التصالح مع الذات. 3- دعم و حب من عائلتك، صديقاتك، وكل اللي يحبوك.ولو هما ماوفروه لك، انسيهم وانت وفريه لنفسك. 4- المعرفه والثقافه. 5- تعلمي تحبي الحياه بكل مافيها من تحديات و تذكري من فينا مايعاني. 6- مرايه طويله وكامله تتمخطري قدامها. 7- تشكيله غريبه و مميزه من الأكسسوارات. 8- صنادل و أكعاب مميزه. 9- ملابس داخليه مناسبه و تلم. 10-ثقه بنفسك و في جسمك وقبلها في الله تعالى . وشكرآ

المصدر: منتديات رغد الشمال - من قسم: - آزيآء وآنآقه ‘عطورهآ bath&body

---

> jHgrdQ ,;,kdQ NgN[lg U

نصائح قيمةة ي غلآي
سلمت يمناك على روعة انتقاءك ..يعطيك العافية ..

م شآآء الله علييك دووم مبدعةة ..
مشكووووورةة من الاعماق والى الامام وبالتوفيق يارب

شآكره لك جمآليه طرحكِ

لك جوِريآت ألــ كون

طرح رآئع

يعطيكك آلعآفيةة يآرب
مَ ننحرمش

اهلابك /
انتقاء رائع
تسلم يدينك
ماننحرم من جديدك
ودمت بخير ❤ }.