لاتحاول تفسير النوايا


انت عبد ما انت برب



الخفايا يعلمها علام الخفايا



الدايم الباقي وغيره يذهب

ايام مباركات احمد الله فيها و كبَّره

و الذَّنْبْ قبّْلَّهْ القبلة ثم سم و انحره

و ابليس بذكر الله جابهه و ادحره

اسبح بحر الصفا وجدف


واحذر من المياة الراكده


وبقاموسك من تضيف من تحذّف


طبيعي عالم محيطك معك متواجده

ضمني بعقلك قبل احاسيسك

حين اناقشك تكفى ضمني

سم الرحمن وتعوّذ من ابليسك

ونقطة الإلتقاء تهمك و تهمني

قبل لاتقول عطني

خلني اقول وش عطيت


مابين الأخذ والعطاء كفة ميزان



وإن قلت اوصني


قلت الذل لو لغير الله شكيت


للبيت نوافذ للبيت بيبان

البحر تلاطم امواجه


وين السابح الغطاس



يعرف مدخاله و مخراجه



والحذر له سمة و نبراس

يارب انت العالم ما بداخلي


حقق مسعاي ياجزل العطايا


بما اقدم لست مفاخري


اجعلني للناس من اجمل الهدايا

ابيع واشري في السوق


في السوق رخيص وغالي


وانا لي مع الناس ذوق


مع الناس الذوق يصفالي


احب حمسة البن بلا حروق


بلا حروق ياحلو صبةالفنجالي


وللوسيمة انا المولع اتوق


انا المولع اتوق للمرقب العالي


وانا بدوي اهلي اهل غنم ونوق


اهل غنم ونوق وضيفهم مقّدْروغالي


والشيهانة المحلقه بالسما فوق


بالسما فوق و موقعها روس الجبالي

دام مصافيك ومصافيني ،، اجيك وتجيني ،، والطيب بيني وبينك


لاعتاب ولا ملام ،، متبادلين الإحترام،،وعيني تفرح بشوفة عينك



ماترافقنا لأجل مصلحة ،، الإخاء لبَّسْناه فاخر مشلحه ،، والوضوح موازيني وموازينك

كيف مااغليها ام الجدايل

لعيوني تلاعبني بجدايلها


اشهد بالله القلب لها مايل


ولا ابدلها لو كثروا بدايلها


تقول تفضل مرحبا والراس طايل


من جذعي لعذوقي روحي نايلها