حنين
New Member
- إنضم
- 16 ديسمبر 2012
- المشاركات
- 1,188
- مستوى التفاعل
- 8
- النقاط
- 0
لا تجرح خدودك ترى الدمع يجـرح
ان ما جرح خدك جرح قلب مغليـك
ما للبكا فـي عينـك اليـوم مطـرح
قلّي وانا ابكي عنك يا علِ ما ابكيـك
ما احتاج اقول لك انت واعيد واشرح
ان الغـــلا يـا اول غـلا هايـمٍ فيـكـ
وشلـــون يـبـرح قلّـي شلـون يـبـرح
حـب تمكـن فـي خفـوقٍ يباريـك
الخافق الـي فيـك بالحــب يسـرح
كنّه سفينـه مـن بحـرك لموانيـكـ
يحب..يهوى..يعشق..القلب مسـرح
لحبك عسى قلبي مع الـروح يفديـكـ
واعرف تراني فيك اضيق وبك افرح
وازعل على شانك و ازعّلك و ارضيك
بس انتبـه للدمـع لاسـال يجـرح
قلبٍ يضمّـك مابـه احـدٍ يساويـكـ
